सर्वसामान्यांसाठी आनंदाची बातमी आहे. आज फेब्रुवारीच्या पहिल्या दिवशी सरकारी तेल बाजार कंपन्यांनी सिलिंडरच्या किंमती कमी केल्या आहेत. कंपनीने 19 किलोच्या व्यावसायिक एलपीजी सिलिंडरची किंमत कमी केली आहे.
व्यावसायिक एलपीजी सिलिंडरची किंमत 7 रुपयांनी कमी करण्यात आली आहे. नवीन किंमत आजपासून म्हणजेच शनिवार 1 फेब्रुवारीपासून लागू झाली आहे. दरम्यान घरगुती एलपीजी गॅस सिलिंडरच्या किंमतीत कोणताही बदल करण्यात आलेला नाही.
एलपीजी गॅस सिलेंडरची किंमत
दिल्ली – 1797.00
कोलकाता – 1907.00
मुंबई – 1749.50
चेन्नई – 1959.50
1 जानेवारी रोजीही तेल आणि गॅस मार्केटिंग कंपन्यांनी एलपीजी सिलिंडरच्या किमतीत कपात केली होती, त्यानंतर 19 किलो सिलिंडरची किंमत 14.50 रुपयांनी कमी करण्यात आली होती, परंतु त्यावेळीही घरगुती सिलिंडरच्या किमतीत कोणताही बदल झाला नव्हता. डिसेंबरमध्ये व्यावसायिक गॅसच्या किमती वाढल्या होत्या परंतु जानेवारीमध्ये त्या कमी झाल्या.
डिसेंबरमध्ये गॅस सिलिंडरच्या किंमती वाढल्या होत्या आणि त्यावेळी व्यावसायिक गॅसच्या किमतीत 16.50 रुपयांची वाढ करण्यात आली होती, त्यावेळीही घरगुती सिलिंडरच्या किमतीत कोणताही बदल झाला नव्हता. याचा अर्थ असा की किमतींमध्ये फरक फक्त 19 किलोच्या सिलिंडरसाठी दिसून येत आहे, तर घरगुती एलपीजी सिलिंडरच्या किमती ऑगस्ट 2024 पासून समान आहेत.
1 डिसेंबर रोजी देशाची राजधानी दिल्लीत 19 किलोच्या एलपीजी सिलेंडरची किंमत 1818.50 रुपये होती.जी नोव्हेंबरमध्ये 1802 रुपये होती. कोलकातामध्ये ते 1911.50 रुपयांवरून 1927 रुपये, मुंबईत 17.54 रुपयांवरून 1771 रुपये आणि चेन्नईमध्ये 1964.50 रुपयांवरून 1980.50 रुपये झाली आहे.
घरगुती गॅस सिलिंडरचे दर
दिल्ली – 803 रुपये
कोलकाता – 829 रुपये
मुंबई – 802.50 रुपये
चेन्नई – 818.50 रुपये
