‘Kuttey’ चित्रपटाचा जबरदस्त Trailer रिलीज, 13 जानेवारी झळकणार थिएटरमध्ये

Kuttey Movie Trailer: नुकताच ‘Kuttey’ या मोस्ट अवेटेड चित्रपटाचा ट्रेलर (Trailer) रिलीज झाला आहे. अर्जुन कपूर (Arjun Kapoor), तब्बू (Tabbu), कोंकणा सेन शर्मा (Konkana Sen Sharma), राधिका मदन (Radhika Madan) यांच्या प्रमुख भूमिका असलेला हा क्राइम थ्रिलर 13 जानेवारीला प्रदर्शित होत आहे. चित्रपटाचा ट्रेलर जितका हटके आहे तितकाच मजेशीर आहे. ट्रेलरची सुरुवात आणि शेवट तुम्हाला नक्कीच हसवेल. या चित्रपटात कुमुद मिश्रा, शार्दुल भारद्वाज आणि नसीरुद्दीन शाह यांसारख्या अनेक दिग्गज चित्रपट व्यक्तिमत्त्वांच्या भूमिका आहेत. काही वेळापूर्वीच निर्मात्यांनी या चित्रपटाचा ट्रेलर प्रेक्षकांसमोर सादर केला आहे. हा ट्रेलर पाहिल्यानंतर एक गोष्ट स्पष्ट झाली आहे की हा चित्रपट अतिशय देसी टच देऊन बनवण्यात आला आहे, ज्यामध्ये अनेक शिव्या ऐकायला मिळणार आहेत. ‘Kuttey’ चित्रपटाचा ट्रेलरही याची साक्ष देत आहे की ही कथा पूर्णपणे देसी असेल, ज्यामध्ये प्रत्येकजण पैशाच्या मागे धावताना दिसणार आहे.

हा ट्रेलर आज मुंबईत (Mumbai) लाँच करण्यात आला आहे. या चित्रपटाच्या ट्रेलरमध्ये तुम्हाला दिग्दर्शक-अभिनेता अनुराग कश्यप सरप्राईज पॅकेज म्हणून काम करताना दिसणार आहे. इतकंच नाही तर ट्रेलरदरम्यान तुम्हाला शाहिद कपूर स्टारर ‘कमिने’ चित्रपटाचा टायटल ट्रॅकही पुन्हा पुन्हा ऐकायला मिळेल. 

अर्जुन कपूर आणि तब्बू स्टारर चित्रपट ‘Kuttey’ 13 जानेवारी 2023 रोजी थिएटरमध्ये प्रदर्शित होणार आहे. ‘Kuttey’ या चित्रपटाची कथा खूपच वेगळी दिसते. आजकाल अशाच कथा प्रेक्षकांना भुरळ घालत आहेत. या ट्रेलरची भाषा अपशब्दांनी भरलेली आहे. आता हा चित्रपट प्रदर्शित झाल्यानंतर प्रेक्षकांच्या मनात आपले स्थान निर्माण करतो का हे पाहावे लागेल.