लाडक्या बहिणींना यावेळी 3000 रुपयांचं गिफ्ट? रक्षाबंधन सणाला.महत्त्वाची माहिती समोर!

लाडकी बहीण योजना ही राज्य सरकारची अतिशय महत्त्वाकांक्षी अशी योजना आहे. या योजनेअंतर्गत पात्र महिलांना 1500 रुपये प्रति महिना अशी आर्थिक मदत केली जाते. राज्यातील कोट्यवधी महिला या योजनेचा लाभ घेतात.

ऑगस्ट महिना संपत आला तरी लाडक्या बहिणींना अद्याप जुलै महिन्याचे पैसे मिळालेले नाहीत. त्यामुळेच आता लाडकी बहीण योजनेच्या लाभार्थी महिलांना जुलै आणि ऑगस्ट महिन्याचे पैसे एकत्र मिळणार का? असा प्रश्न विचारला जातोय.

लाडक्या बहिणींना जून महिन्याचे पैसे जुलै महिन्यात मिळाले होते. आता ऑगस्ट महिना संपत आला आहे. तरीदेखील जुलै महिन्याचे पैसे लाडक्या बहिणींना मिळालेले नाहीत. त्यामुळे रक्षाबंधन सणाच्या पार्श्वभूमीवर सरकार लाडक्या बहिणींना 3000 रुपयांची ओवाळणी देणार का? असे विचारले जात आहे.

याआधी सरकारने 2024 साली रक्षाबंधन सणामुळे लाडक्या बहिणींना दोन महिन्यांचे 3000 रुपये दिले होते. त्यामुळे यावेळीही सरकारने अशाच पद्धतीने पैसे द्यावेत, अशी मागणी काही लाडक्या बहिणींकडून केली जात आहे.

दरम्यान, सरकारने अद्याप याबाबत कुठलाही निर्णय घेतलेला नाही. त्यामुळे लाडक्या बहिणींना 3000 रुपये दिले जाणार की जुलै महिन्याचे 1500 रुपयेच दिले जाणार? हे अद्याप स्पष्ट झालेले नाही.