नवी दिल्ली : भारताचे माजी दिग्गज धावपटू मिल्खा सिंग यांचे कोरोनामुळे शुक्रवारी रात्री निधन झाले. गेल्या एक महिन्यापासून त्यांचा कोरोनाविरुद्ध लढा सुरू होता. मिल्खा सिंग यांच्या पत्नी निर्मल कौर यांचाही कोरोनामुळे पाच दिवसांपूर्वी मृत्यू झाला आहे. मिल्खा सिंग यांनी वयाच्या 91 व्या वर्षी शुक्रवारी रात्री 11.30 दरम्यान अखेरचा श्वास घेतला. गेल्या महिन्याभरापूर्वी त्यांना कोरोनाची लागण झाली आहे. शुक्रवारीपासूनच त्यांची प्रकृती खालावली होती. त्यांची ऑक्सिजन पातळी सुद्धा कमी झाली होती. त्यांचा अशा अचानक जाण्याने क्रिडा, राजकीय तसेच सिनेसृष्टीत मोठी हळहळ व्यक्त केली जात आहे.
पंतप्रधान नरेंद्र मोदी यांनी मिल्खा सिंग यांना श्रद्धांजली वाहिली आहे. ‘देशाची प्रतिमा उंचवणारा खेळाडू आज गमावला आहे.त्यांच्या देशवासियांच्या हृदयातील स्थान अबाधित आहे.’ असे ट्विट मोदी यांनी केले आहे.
zzlWzi8qqy8Un4Ec/s320/1001506655.jpg